கோவை, ஈரோடு, திருப்பூர் ஆகிய இடங்களில் 2 நாட்கள் சுற்றுப்பயணம் மேற்கொண்ட நடிகர் கமல்ஹாசன் சென்னை புறப்படுவதற்கு முன், கோவையில் செய்தியாளர்களைச் சந்தித்தார்.

அப்போது அவர் பேசுகையில், "குரங்கணி நிகழ்வை பாடமாக எடுத்துக்கொள்ள வேண்டும். இறந்தவர்கள் பலரும் இளைஞர்கள் என்பதால் எதிர்காலத்தின் ஒரு பகுதி தீக்கிரையாகி விட்டது,'' என்றார்.

அப்போது நடிகர் ரஜினிகாந்த் காவிரி மேலாண்மை உள்ளிட்ட பல விஷயங்களில் பதில் சொல்லாமல் நழுவுகிறாரே என, செய்தியாளர்கள் கேட்டனர். அதற்கு கமல், ''இதுமட்டும் இல்லாமல் அவர் பல விஷயங்களில் அப்படித்தான் இருக்கிறார்,'' என்று பதிலளித்தார்.