தேனி குரங்கணி மலையில் காட்டுத் தீயில் சிக்கிக் காயமடைந்தவர்களில், இதுவரை  9 பேர் உயிரிழந்துள்ளதாகத் தேனி மாவட்ட ஆட்சியர் பல்லவி தெரிவித்துள்ளார்.

உயிரிழந்துள்ள 9 பேரில், ஈரோட்டைச் சேர்ந்த புதிதாக திருமணம் ஆன விவேக்கும் ஒருவர்.

விவேக் துபாயில் பணியாற்றி வந்துள்ளார். திருமணத்துக்காக விடுமுறையில் வந்த விவேக்குக்கும் கோபிசெட்டிப்பாளையத்தைச் சேர்ந்த திவ்யாவிற்கும் சமீபத்தில் தான் திருமணம் நடந்துள்ளது.

இந்நிலையில், தம்பதியினர் குரங்கணி மலைக்கு சென்றபோது காட்டுத் தீயில் சிக்கியுள்ளனர். இதில், விவேக் தீயில் கருகி பலியான நிலையில், திவ்யா படுகாயமுற்று மருத்துவமனையில் அனுமதிக்கப்பட்டுள்ளார்.