ஸ்காட்லாந்து மாகாணத்தின் வடகிழக்குப் பகுதியில் போலீசார் இரவு நேர ரோந்து பணியில் ஈடுபட்டிருந்தனர். அப்போது விவசாயி ஒருவர், போலீஸ்க்கு போன் செய்து தனது பண்ணையில் புலி ஒன்று பதுங்கி இருப்பதாகத் தெரிவித்தார்.

இதைத்தொடர்ந்து அந்த புலியைப் பிடிக்கத் தேவையான உபகரணங்களை எடுத்துக்கொண்டு, மிகப்பெரும் படையுடன் விவசாயியின் பண்ணைக்கு போலீசார் சென்றனர்.

அங்கு சுமார் 45 நிமிடங்கள் அந்த புலியைப் பிடிக்க போராடிய போலீசாருக்கு இறுதியில் அது உண்மையான புலி அல்ல, பொம்மை என்னும் உண்மை தெரியவந்தது.

உலகப்புகழ் பெற்ற ஸ்காட்லாந்து போலீசார் பொம்மை புலியைப் பிடிக்கப் போராடிய இந்த சம்பவம், சமூக வலைதளங்களில் தற்போது வைரலாகி வருகிறது.