பா.ரஞ்சித் இயக்கத்தில் ரஜினி நடித்து வரும் 'காலா' திரைப்படம் ஏப்ரல் 27-ம் தேதியன்று உலகம் முழுவதும் வெளியாகிறது.

ரசிகர்கள் மிகுந்த ஆவலுடன் எதிர்பார்த்துக் காத்திருக்கும் இப்படத்தின் டீசர் மார்ச் 1-ம் தேதி வெளியாகும் என, படத்தின் தயாரிப்பாளர் தனுஷ் கடந்த வாரம் தெரிவித்திருந்தார்.

ஆனால், எதிர்பாராத காரணங்களால் இப்படத்தின் டீசர் இன்று வெளியாகவில்லை. இதனால் ரசிகர்கள் மிகுந்த ஏமாற்றம் அடைந்தனர். இந்த நிலையில், 'காலா' டீசர் வெளியீடு குறித்த புதிய அறிவிப்பொன்றை தனுஷ் சற்றுமுன் வெளியிட்டுள்ளார்.

அதில், "காலா டீசர் நாளை(02.3.18) காலை 10 மணியளவில் வெளியாகும். அனைவரின் பொறுமைக்கும் நன்றி. ஓம் நமசிவாயா," என தெரிவித்துள்ளார்.

#kaala teaser will be released tom at 10 am. Thank you all for the patience. Om namashivaaya

— Dhanush (@dhanushkraja) March 1, 2018