இலங்கையில் முத்தரப்பு டி20 ஓவர் தொடர் நடைபெற்று வருகிறது. இதில், இலங்கைக்கு எதிரான நேற்றைய போட்டியில் இந்திய அணி  ஆறு விக்கெட் வித்தியாசத்தில் வெற்றி பெற்றது.

இப்போட்டியில், இரண்டாவது இன்னிங்ஸில் பேட் செய்த இந்திய வீரர் கே.எல்.ராகுல், ஜீவன் மெண்டிஸ் வீசிய பந்தை அடிப்பதற்காகத் தனது காலை பின்பக்கம் இழுத்தபோது, எதிர்பாராதவிதமாக ஸ்டம்பை மிதித்ததால் ஹிட் விக்கெட் முறையில் அவுட் ஆனார்.

இதன் மூலம் டி20 ஓவர் போட்டியில் ஹிட் விக்கெட் முறையில் அவுட் ஆன முதல் இந்திய வீரர், என்ற மோசமான சாதனைக்கு கே.எல்.ராகுல் சொந்தக்காரர் ஆகியுள்ளார்.