'சாமி 2' வில் திரிஷாவுக்கு பதிலாக இணைந்த பிரபல நடிகை!

ஹரி இயக்கத்தில் விக்ரம், பாபி சிம்ஹா, கீர்த்தி சுரேஷ் இணைந்து நடித்து வரும் படம் சாமி 2. சாமி படத்தின் தொடர்ச்சியாக உருவாகும் இப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது.

சாமி 2 படத்தில் நடிகை திரிஷாவுக்கு பதில் ஐஸ்வர்யா ராஜேஷ் நடித்து வருவதாகத் தகவல்கள் வெளியாகின. இது தொடர்பாக நமது நெருங்கிய வட்டாரங்களில் நாம் விசாரித்த போது சாமி 2 படத்தில் ஐஸ்வர்யா ராஜேஷ் நடித்து வருவது உண்மைதான் என தெரிவித்தனர்.

இந்தநிலையில் படத்தை தயாரித்து வரும் தமீன்ஸ் பிலிம்ஸ் நிறுவனம் ஐஸ்வர்யா ராஜேஷ்-விக்ரம் இருவரும் சேர்ந்து இருக்கும் புகைப்படங்களை வெளியிட்டு, அதிகாரப்பூர்வமாக இதனை உறுதிப்படுத்தியுள்ளது.