மதுரையில் எய்ம்ஸ் மருத்துவமனை அமைவது உறுதியா?: மத்திய அரசு வழக்கறிஞர்!

மதுரை தோப்பூரில் தான் எய்ம்ஸ் மருத்துவமனை அமையும் என்று உயர்நீதிமன்ற மதுரை கிளையில் மத்திய அரசு வழக்கறிஞர் உறுதி அளித்துள்ளார்.

மதுரை தோப்பூரில் எய்ம்ஸ் அமைப்பதற்கு எடுக்கப்பட்ட நடவடிக்கைகள் குறித்து டிச. 6-ல் நிலை அறிக்கை தாக்கல் செய்ய மத்திய சுகாதாரத்துறை செயலருக்கு, உயர்நீதிமன்ற மதுரை கிளை உத்தரவு பிறப்பித்துள்ளது.

அதுமட்டுமல்லாமல், எய்ம்ஸ் கட்டுமான பணிகள் எப்போது தொடங்கும், எப்போது நிறைவடையும் என்பதையும் அறிக்கையில் குறிப்பிட உத்தரவு அளிக்கப்பட்டுள்ளது.