പൃഥ്വിയോ ടൊവിനോയോ? ആരായിരിക്കും ആ കമാന്‍ഡോ? ആകാംക്ഷയുമായി ആരാധകര്‍

ഇന്ത്യന്‍ ചാര സംഘടനയായ റോയുടെ കിഴക്കന്‍ കമാന്‍ഡ് നിര്‍ണായ ദൗത്യത്തിനായി ഒരു സംഘത്തെ തെരഞ്ഞെടുക്കുന്നു. ഇന്ത്യയുടെ ഏറ്റവും മികച്ച ഭീകര വിരുദ്ധ കമാന്‍ഡറാണ് ആ സംഘത്തെ നയിക്കുന്നത്. ചിന്തിക്കാന്‍ പോലും കഴിയാത്ത കാര്യങ്ങള്‍ പ്രവര്‍ത്തിക്കുന്ന ഒരു കമാന്‍ഡോ സംഘം. ഡിജിറ്റല്‍ സാങ്കേതിക വിദ്യയും നവ സാറ്റലൈറ്റ് സംവിധാനങ്ങളുമില്ലാത്ത ആ കാലത്ത് നടന്ന ഒരു കമാന്‍ഡോ ഓപ്പറേഷന്റെ കഥയായിരിക്കും ചിത്രമെന്നാണ് പോസ്റ്ററില്‍ നിന്ന് വ്യക്തമാവുന്നത്.

ചിത്രത്തിന്റെ പേര് പോസ്റ്ററില്‍ പറയുന്നില്ലെങ്കിലും 1981 എന്നാണ് പോസ്റ്ററിന്റെ ടൈറ്റില്‍. 'ഇന്ത്യാസ് ഗ്രേറ്റസ്റ്റ് എപ്പിസോഡ് ഓഫ് എസ്പ്യനോജ്' എന്നാണ് പോസ്റ്ററിലെ ടാഗ് ലൈന്‍.

എന്നാല്‍ ചിത്രത്തിലെ നായകന്‍ ആരായിരിക്കുമെന്ന ആകാംക്ഷയിലാണ് ആരാധകര്‍. പൃഥ്വിരാജും ടൊവിനോ തോമസും ഒരേ സമയം ചിത്രം ഷെയര്‍ ചെയ്തതിനാല്‍ ഇവരില്‍ ആരെങ്കിലും ആയിരിക്കും നായകന്‍ എന്നാണ് പ്രേക്ഷകര്‍ കമന്റുകളിലൂടെ പ്രതികരിക്കുന്നത്. എന്നാല്‍ പൃഥ്വിരാജ് ചിത്രം നിര്‍മിക്കുകയും ടൊവിനോ നായകനായി എത്താനും സാധ്യതയുണ്ടെന്നും ചിലര്‍ ചൂണ്ടിക്കാട്ടുന്നുണ്ട്. ഇവര്‍ രണ്ടു പേരും ഒന്നിച്ച് അഭിനയിച്ചെന്നും വരാം.

ഇതിന് മുമ്പ് മേജര്‍ രവിയുടെ പിക്കറ്റ് 43 എന്ന ചിത്രത്തില്‍ പൃഥ്വിരാജ് പട്ടാളക്കാരനായി വേഷമിട്ടിട്ടുണ്ട്. സ്വപ്‌നേഷ് കെ നായര്‍ സംവിധാനം ചെയ്ത എടക്കാട് ബറ്റാലിയന്‍ 06 എന്ന ചിത്രത്തില്‍ ടൊവീനോ തോമസും ആര്‍മി ഉദ്യോഗസ്ഥനായി സ്‌ക്രീനിലെത്തിയിട്ടുണ്ട്.

 

 

 

 

View this post on Instagram

 

 

 

 

 

 

 

 

 

The announcement. Tomorrow. 10 am IST. Stay tuned! @therealprithvi @tovinothomas @antojosephfilmcompany @poffactio

A post shared by Prithviraj Sukumaran (@therealprithvi) on Jan 24, 2020 at 8:35pm PST

 

 

 

 

View this post on Instagram

 

 

 

 

 

 

 

 

 

The announcement. Tomorrow. 10 am IST. Stay tuned! @therealprithvi @tovinothomas @antojosephfilmcompany @poffactio

A post shared by Tovino Thomas (@tovinothomas) on Jan 24, 2020 at 9:03pm PST