ഷൈലോക്കിന്റെ കീറിയ പോസ്റ്ററുകളുടെ ചിത്രം പങ്കുവച്ച് അഭ്യര്‍ഥനയുമായി നിര്‍മാതാവ്

'ദയവായി പോസ്റ്റര്‍ കീറരുതേ, പാവപ്പെട്ടവന്റെ വള്ളം കളിയാണ്, ചവുട്ടി മുക്കരുത്' - എന്നാണ് ചിത്രത്തിനൊപ്പം ജോബിയുടെ അഭ്യര്‍ഥന. പോസ്റ്റിന് കീഴില്‍ നിര്‍മാതാവിനെ പിന്തുണച്ച് നിരവധി പേരാണ് കമന്റ് ചെയ്തിരിക്കുന്നത്.

രാജാധിരാജ, മാസ്റ്റര്‍ പീസ് തുടങ്ങിയ ചിത്രങ്ങള്‍ക്ക് ശേഷം മമ്മൂട്ടിയും അജയ് വാസുദേവും വീണ്ടും ഒന്നിക്കുന്ന ചിത്രമാണ് ഷൈലോക്ക്. ഗുഡ്‌വില്‍ എന്റര്‍ടൈന്‍മെന്റ്‌സിന്റെ ബാനറില്‍ ജോബി ജോര്‍ജ് ആണ് ചിത്രം നിര്‍മിക്കുന്നത്. ബിബിന്‍ മോഹനും അനീഷ് ഹമീദുമാണ് ചിത്രത്തിന് തിരക്കഥ തയ്യാറാക്കിയത്.

തമിഴ്  മലയാളം ഭാഷകളില്‍ ഒരേ സമയം ഒരുങ്ങുന്ന ചിത്രം തമിഴില്‍ കുബേരന്‍ എന്ന പേരിലാണ് റിലീസ് ചെയ്യുക. മീന, ബിബിന്‍ ജോര്‍ജ്, ബൈജു സന്തോഷ്, സിദ്ധിഖ്, കലാഭവന്‍ ഷാജോണ്‍, അര്‍ത്ഥന ബിനു തുടങ്ങിയവരാണ് മറ്റു താരങ്ങള്‍.