മമ്മൂട്ടിക്ക് സ്‌നേഹ മുത്തം നല്‍കി അജയ് വാസുദേവിന്റെ പിറന്നാള്‍ ആഘോഷം - വീഡിയോ

മമ്മൂട്ടിയുടെ കൂടെ നിന്ന് ഫോട്ടോ എടുക്കുന്നതിനിടെ തന്റെ പ്രിയ താരത്തിന് ഒരു സ്‌നേഹ ചുംബനം നല്‍കാനും അജയ് വാസുദേവ് മറന്നില്ല. ശേഷം കേക്ക് മുറിച്ച് മമ്മൂട്ടി എല്ലാവര്‍ക്കും നല്‍കി. ഇതിന്റെ ചിത്രങ്ങളും വീഡിയോയും സോഷ്യല്‍മീഡിയയില്‍ വൈറലാണ്.

ചിത്രത്തിന്റെ നിര്‍മാതാവ് ജോബി ജോര്‍ജ്, തിരക്കഥാകൃത്ത് ബിബിന്‍ മോഹന്‍, ടി.ജി രവി, തുടങ്ങി നിരവധി പേര്‍ ചടങ്ങിലുണ്ടായിരുന്നു.

രാജാധിരാജ, മാസ്റ്റര്‍ പീസ് തുടങ്ങിയ ചിത്രങ്ങള്‍ക്ക് ശേഷം മമ്മൂട്ടിയും അജയ് വാസുദേവും വീണ്ടും ഒന്നിക്കുന്ന ചിത്രമാണ് ഷൈലോക്ക്. ഗുഡ്വില്‍ എന്റര്‍ടൈന്‍മെന്റ്‌സിന്റെ ബാനറില്‍ ജോബി ജോര്‍ജ് ആണ് ചിത്രം നിര്‍മിച്ചിരിക്കുന്നത്. ബിബിന്‍ മോഹനും അനീഷ് ഹമീദുമാണ് ചിത്രത്തിന് തിരക്കഥ തയ്യാറാക്കിയത്. മീന, ബിബിന്‍ ജോര്‍ജ്, ബൈജു സന്തോഷ്, സിദ്ധിഖ്, കലാഭവന്‍ ഷാജോണ്‍, അര്‍ത്ഥന ബിനു തുടങ്ങിയവരാണ് മറ്റു താരങ്ങള്‍.