രശ്മികയെ വടിവേലുവാക്കി ആരാധകന്റെ കുസൃതി; വടിവേലു ക്യൂട്ട് എന്ന് താരത്തിന്റെ മറുപടി

വിവിധ ഭാവങ്ങളോടെയുള്ള ഫോട്ടോഷൂട്ട് ചിത്രങ്ങള്‍ രശ്മിക പുറത്ത് വിട്ടിരുന്നു. ഈ ഭാവങ്ങളെ വടിവേലുവിന്റെ സമാന ഭാവങ്ങളുമായി ചേര്‍ത്ത് ഒരു ആരാധകര്‍ നിര്‍മിച്ച ഫോട്ടോ ആല്‍ബം സോഷ്യല്‍ മീഡിയയില്‍ വൈറലായിരിക്കുകയാണ്.

രശ്മികയുടെ ഓരോ ചിത്രത്തിനും സമാനമായ വടിവേലുവിന്റെ രംഗങ്ങള്‍ കണ്ടെത്തി ചിത്രത്തോടൊപ്പം ചേര്‍ത്ത് വച്ച് ഉണ്ടാക്കിയ ആല്‍ബം കാഴ്ചക്കാരില്‍ ചിരിയുണര്‍ത്തുമെന്ന് ഉറപ്പാണ്.

#Rashmika #Vadivel version 😂 #VadiveluForLife pic.twitter.com/v9lrR8fU0g

— Troll Cinema ( TC ) (@Troll_Cinema) February 23, 2020

രശ്മികയും ട്രോള്‍ ആല്‍ബത്തെ ഇരുകയ്യും നീട്ടിയാണ് സ്വീകരിച്ചത്. 'പൂര്‍ണമായും യോജിക്കുന്നു. വടിവേലു സര്‍ വളരെ ക്യൂട്ട് ആണ്' എന്നാണ് ആല്‍ബത്തെക്കുറിച്ചുള്ള വാര്‍ത്ത ലിങ്ക് പങ്കുവച്ച് രശ്മിക ട്വീറ്റ് ചെയ്തത്.

I can’t agree more. 🐒 Vadivelu sir is soooo cuteeee♥😍https://t.co/zeO5EuzvPr

— Rashmika Mandanna (@iamRashmika) February 24, 2020

കന്നഡ ചിത്രം കിര്‍ക്ക്പാര്‍ട്ടിയിലൂടെയാണ് രശ്മിക സിനിമയിലെത്തിയത്. വിജയ് ദേവരകൊണ്ടയ്‌ക്കൊപ്പം തെലുങ്കില്‍ അഭിനയിച്ച ഗീതഗോവിന്ദം നൂറ്‌കോടി ക്ലബ്ബില്‍ ഇടം പിടിച്ചതോടെ രശ്മിക തെന്നിന്ത്യയിലാകെ പ്രശസ്തയായി. ഡിയര്‍ കോമ്രേഡിലും രശ്മികയായിരുന്നു നായിക. കാര്‍ത്തി നായകനാവുന്ന സുല്‍ത്താനിലൂടെ തമിഴിലേക്ക് അരങ്ങേറ്റത്തിനൊരുങ്ങുകയാണ് രശ്മിക.